7 hp sewage pump

ក្រុមហ៊ុន Pump Electric Solution បើកសម្ពោធផលិតផល និងសិក្ខា​​​​សិលាពីផលិតផលម៉ូទ័របូមទឹក និងឧបករណ៍អគ្គិសនី ដើម្បីបំពេញតម្រូវការរបស់អតិថិជន

ក្រុមហ៊ុន Pump Electric Solution បើកសម្ពោធផលិតផល

ក្រុមហ៊ុន Pump Electric Solution នៅពីថ្ងៃទី២៥ ខែតុលា ឆ្នាំ២០២៤នេះ បានប្រកាសសម្ពោធផលិតផល និងសិក្ខាសិលាពីផលិតផលម៉ូទ័របូមទឹក និងឧបករណ៍អគ្គិសនី ដើម្បីឆ្លើយតបទៅនឹងតម្រូវការរបស់អតិថិជន ។ ពិធីសម្ពោធនេះ បានធ្វើឡើងនៅ Fairfield by Marriott Phnom Penh Hotel ហើយព្រឹត្តិការណ៍ដ៏អស្ចារ្យនេះ បានបង្ហាញពីការរួមចំណែកយ៉ាងសំខាន់របស់ក្រុមហ៊ុន ចំពោះឧស្សាហកម្មផ្សេងៗ ក្នុងប្រទេសកម្ពុជា ក៏ដូចជាការបង្ហាញពីផលិតផលទំនើបៗពីដៃគូរសហការរបស់ Pump Electric Solution ដែលជាក្រុមហ៊ុនដែលមានការទទួលស្គាល់ជាអន្តរជាតិផងដែរ។

បទបង្ហាញដោយរោងចក្រដៃគូអន្តរជាតិ

ក្រុមហ៊ុន Pump Electric Solution ក៏បានធ្វើបទបង្ហាញជាបន្តបន្ទាប់ដោយរោងចក្រដៃគូអន្តរជាតិ ឈានមុខគេមួយចំនួនរបស់ ក្រុមហ៊ុនរួមមាន៖

ទី១៖ ក្រុមហ៊ុន Hyundai Electric «កូរ៉េ» ជារោងចក្រផ្គត់ផ្គង់ឌីហ្សង់ទ័រគ្រប់ប្រភេទ

ទី២៖ ក្រុមហ៊ុន ម៉ូទ័បូមទឹក Walrus Pump «តៃវ៉ាន់» ត្រូវបានគេស្គាល់ថាជារោងចក្រផ្គត់ផ្គង់ម៉ូទ័របូមទឹកដែលមានប្រសិទ្ធភាពខ្ពស់។

ទី៣៖ ក្រុមហ៊ុន ម៉ូទ័បូមទឹក CNP «ប្រទេសចិន» អ្នកឯកទេសខាងម៉ូទ័បូមទឹកឧស្សាហកម្ម

ទី៤៖ ក្រុមហ៊ុន ម៉ូទ័បូមទឹក Tsurumi Pump «ជប៉ុន» ជាក្រុមហ៊ុនឈានមុខគេលើពិភពលោកក្នុងវិស័យបូមទឹកកខ្វក់ និងសារធាតុគីមីផ្សេងៗ

ទី៥៖ ក្រុមហ៊ុន Lumax Lighting «ថៃ» ជារោងចក្រផ្គត់ផ្គង់អំពូលអគ្គិសនីគ្រប់ប្រភេទ

និងទី៦៖ ក្រុមហ៊ុន Bosch Power Tools «អាឡឺម៉ង» ជាក្រុមហ៊ុនផ្គត់ផ្គង់ឧបករណ៍ជាងសម្រាប់ការប្រើប្រាស់ក្នុងឧស្សាហកម្ម និងសំណង់។

នៅក្នុងព្រឹត្តិការន៍នេះ ដៃគូទាំងអស់ខាងលើក៏នឹងចែករំលែកការយល់ដឹងអំពីវឌ្ឍនភាពផលិតផលចុងក្រោយបំផុត ការច្នៃប្រឌិតបច្ចេកទេស និងការអនុវត្តល្អបំផុត នៅក្នុងវិស័យរៀងៗខ្លួន។ អ្នកចូលរួមនឹងទទួលបានចំណេះដឹងដ៏មានតម្លៃនៅក្នុងបច្ចេកវិទ្យានិង ការថែទាំម៉ូទ័រ សុវត្ថិភាពក្នុងប្រើប្រាស់ឧបករណ៍អគ្គិសនី។

លើសពីនេះទៀត នៅក្នុងព្រឹត្តិការណ៍នេះ ក្រុមហ៊ុន Pump Electric Solution នឹងទទួលបានវិញ្ញាបនបត្របញ្ជាក់ពីរោងចក្រ Walrus , CNP, Tsurumi, Hyundia, Lumax Light, Bosch ដោយទទួលស្គាល់ក្រុមហ៊ុនជាផ្លូវការថាជាអ្នកចែកចាយ និងចែកចាយផ្តាច់មុខសម្រាប់ម៉ាកល្បីៗទាំងនេះនៅក្នុងប្រទេសកម្ពុជា។ សិក្ខាសាលានេះ ចាប់ផ្តើមនៅម៉ោង ១៖៣០នាទីរសៀល រហូតដល់ការពិសារអាហារ Buffet ពេលល្ងាច នៅ Fairfield by Marriott Phnom Penh Hotel ព្រឹត្តិការណ៍នេះ នឹងក្លាយជាឱកាសពិសេសមួយសម្រាប់បណ្តាញទំនាក់ទំនង ការចែករំលែកចំណេះដឹង និងអបអរសាទរការបន្តរីកចម្រើន នៃឧស្សាហកម្មហេដ្ឋារចនាសម្ព័ន្ធរបស់ កម្ពុជាផងដែរ។

ចាប់តាំងពីបង្កើតឡើងមកក្រុមហ៊ុន Pump Electric Solution បានរីកចម្រើនទៅជាក្រុមហ៊ុនផ្គត់ផ្គង់ម៉ូទ័របូមទឹក និងឧបករណ៍អគ្គិសនី ដែលមានគុណភាពខ្ពស់។ ដោយកាលពីឆ្នាំ២០២១ ក្រុមហ៊ុនបានចុះបញ្ជីជាផ្លូវការជាមួយក្រសួងពាណិជ្ជកម្ម ដោយបានពង្រឹងកេរ្តិ៍ឈ្មោះជាតួអង្គសំខាន់នៅក្នុងទីផ្សារកម្ពុជា។ សព្វថ្ងៃនេះ Pump Electric Solution បម្រើដល់វិស័យជាច្រើន រួមមានក្រុមហ៊ុនសំណង់ ក្រុមហ៊ុនស្ថាបត្យកម្ម ឧស្សាហកម្មអាហារ និងភេសជ្ជៈ (F&B) រោងចក្រ ការអភិវឌ្ឍន៍បុរី គម្រោងលំនៅដ្ឋាន ក្រុមហ៊ុនវិស្វកម្មបច្ចេកទេស ស្ថានីយ៍ផ្គត់ផ្គង់ទឹកស្អាត និងក្រុមហ៊ុនប្រព្រឹត្តិកម្មទឹកសំណល់កខ្វក់ជាដើម។ ក្រុមហ៊ុន Pump Electric Solution បានបង្ហាញពីភាពជាដៃគូដ៏សំខាន់ ក្នុងការអភិវឌ្ឍន៍ហេដ្ឋារចនាសម្ព័ន្ធរបស់កម្ពុជា។

ក្រុមហ៊ុន Pump Electric Solution គឺជាក្រុមហ៊ុនឈានមុខគេក្នុងដំណោះស្រាយម៉ូទ័បូមទឹក និងឧបករណ៍អគ្គិសនី ចាប់តាំងពីបង្កើតឡើងក្នុងឆ្នាំ១៩៩៨ មកម្លេះ ក្រុមហ៊ុនមានមោទនភាពក្នុងការប្រកាសសម្ពោធផលិតផល និងសិក្ខាសាលានៅថ្ងៃទី២៥ ខែតុលា ឆ្នាំ២០២៤ នេះផងដែរ។